Fjalë të urta / "B"

Buka po u thye s’ngjitet më një të pështyrë.

Burri është koka, kurse gruaja është qafa.

Babai puntor rrit fëmijë dembelë, mësuesi llafazan nxjerr nxënës memec.

Borxhlliu i keq të kërkon paratë ditën e Bajramit.

Budallai kokën si njeri e ka, por kur flet, e mërr vesh se
c’mall është.

Budallai gjen fjalën, por nuk di se kur e ka gjetur, ndërsa i zgjuari fjalën e budallait e fut në

xhep.

Budallai ka fat vetëm në përralla! (edhe në Shqipëri)

Burri është çadra e gruas.

Babai që lë djalin e mirë pas, nuk vdes

Babanë e mirë nderoje, babanë e keq duroje

Bajrami i vogël s’falet para t’madhit

Barren e kalit mos ia ngarko gomarit

Bashkia bën fuqinë, ndarja ligështinë

Bëj gosti, që të provosh mikun

Bëj shyqyr të paktës, që të vijë e shumëta

Bëje si ta bësh, pa e bërë mos e lësh

Bëji nder qenit, që ai të kafshojë këmbën

Bëni si them unë, mos bëni si bëj unë

Bërtiti të bijës, që të dëgjojë nusja

Bejlerët rrallë lindeshin, e shpesh vdisnin

Besnik bëhu, por mos beso

Beu nuk i la bujkut as vënd për në varr

Bie guri mbi vorbë, e mjera vorbë; bie vorba mbi gurë, po e mjera vorbë

Bie një fjalë e nxjerr një mijë të tjera

Bylbyli njihet në këngë, njeriu në punë

Bima e keqe rritet kudo

Bisha më e rreptë është kur i sulmohen këlyshët

Bisha tërbohet keq kur e sheh se i vjen fundi

Bleta di si bëhet mjalti

Borxhi i harruar, vjen në ditë të shtërnguar

Bota është helëm e mjaltë e përzierë

Brengat janë armiqtë e jetës

Buka në bark, forca në shtat

Buka s’ka turp

Buka të mban fytyrën, yndyra të shkëlqen fytyrën

Bukë e kripë e zemër

Buke e qepë dhe shëndet

Buka prej qielli s’vjen

Bukuria dhe pasuria s’janë përgjithmonë

Bukuria dhe mençuria nuk shkojnë bashkë

Bukuria e gruas duket në mëngjes

Bukuria një ditë, veprat një jetë

Bukuria të habitë, bukuria të koritë

Burgu është varr për së gjalli

Burgu e ka derën e madhe për të hyr, por të vogël për të dalë

Burgu për burra është , por më shumë për budallenjët

Burrat besojnë se bota është e krijuar vetëm për ta

Burrë i mirë në sofër të huaj mos u bëj

Burri lidhet për fjalët, kau per brirësh

Burri me dy gra, këmishën pa la

Burri në shtëpi, si kërcu i zi

Burri një herë ka lindur, një herë edhe do të vdesë

Burri për gruan është si çatia për shtëpinë

Burri s’matet me pëllëmbë por me zemër

Burri të mbytë ose ta falë, i ligu as të mytë as ta falë

Butësia mund të fitojë gjithçka, përveç pasurisë

Buza me gaz shëndeti pa masë